- Sport In Malta - http://www.sportinmalta.com -

Valletta lejn il-Fillandja għall-UEFA Futsal Cup

Posted By Sportinmalta On July 12, 2016 @ 11:09 pm In Featured,Futsal,Other | No Comments

Gavin Muscat

Wara li aktar kmieni wara nofsinhar ittellgħu l-poloz tar-rawnd prelimiari tal-UEFA Futsal Cup, Malta se tkun rappreżentata minn Valletta fi Grupp F. Il-Beltin se jilagħbu fl-istess grupp mat-tim ospitanti Finlandiż ta’ Sievi Futsal, l-Iskoċċiżi ta’ Wattcell u Tbilisi State University tal-Ġeorġja.

Għal Valletta u Wattcell din se tkun l-ewwel esperjenza tagħhom f’kompetizzjoni Ewropea tal-futsal. Min-naħa l-oħra l-Ġeorġjani għandhom lil Jaba Jamburia u lil Gia Nikvashvili li ġew ivvutati bħala l-aqwa gowlkiper u l-aqwa plejer fil-kampjonat lokali rispettivament. Magħhom ukoll hemm David Bobokhidze, eks Hibernians flimkien mal-captain Belti Xavier Saliba.

Sievi Futsal se jkunu f’darhom stess, hekk kif il-futsal fil-Finlandja huwa meqjus bħala t-tielet l-aktar sport milgħub fil-pajjiż.  Il-logħbiet kollha minn Grupp F se jintlagħbu bejn is-16 u l-21 ta’ Awissu li ġej.

 


Article printed from Sport In Malta: http://www.sportinmalta.com

URL to article: http://www.sportinmalta.com/valletta-lejn-il-fillandja-ghall-uefa-futsal-cup/

Copyright © 2010 Sport In Malta. All rights reserved.