- Sport In Malta - http://www.sportinmalta.com -

Shaun Galea u Hannah Pace huma ċ-ċampjins nazzjonali tat-Triathlon

Posted By Sportinmalta On October 15, 2018 @ 2:17 pm In Featured,Triathlon | No Comments

Shaun Galea u Hannah Pace huma ċ-ċampjins nazzjonali tat-Triathlon lokali, dan hekk kif ilbieraħ filgħodu sar il-Kampjonat Nazzjonali fi Triq il-Kosta s-Salini, li ġab fi tmiemhu l-istaġun tat-Triathlon.

F’temp ikrah, f’xita qawwija li għamlet is-sitwazzjoni diffiċli għall-parteċipanti, fuq id-distanza standard olimpika, kellhom għawma ta’ kilometru u nofs, rota ta’ 40 kilometru u ġirja ta’ 10 kilometri.

Fil-kategorija tal-irġiel, Shaun Galea daħal l-ewwel biex b’hekk sar ċampjin nazzjonali għall-ewwel darba fil-karriera tiegħu. Wayne Spiteri spiċċa t-tieni filwaqt li Bernard Sant it-tielet.

Fil-kategorija tan-nisa, Hannah Pace żammet it-titlu ta’ ċampjin nazzjonali meta spiċċat l-ewwel quddiem Margaret Seguna u l-veterana Danica Bonello Spiteri rispettivament.


Article printed from Sport In Malta: http://www.sportinmalta.com

URL to article: http://www.sportinmalta.com/shaun-galea-u-hannah-pace-huma-c-campjins-nazzjonali-tat-triathlon/

Copyright © 2010 Sport In Malta. All rights reserved.