Michael Woods sospiż logħba

minn Cristian Muscat

Il-kowċ ta’ Floriana Michael Woods ġie sospiż logħba wara li tkeċċa kontra Hibernians fil-Kampjonat BOV Premier is-Sibt li għadda.

Għalhekk Woods mhux se jkun jista’ jmexxi lill-Greens minn fuq il-bank fil-konfront li Floriana jmisshom kontra Mosta fi tmiem din il-ġimgħa.

Floriana mhux se jkollhom għad-dispożizzjoni tagħhom ukoll lid-difensur Owen Bugeja li bħal Woods ingħata wkoll logħba sospensjoni minħabba li f’dan l-istaġun ingħata erba’ karti sofor.