MESA – Rebħiet għat-timijiet ta’ fuq

Friday, February 3, 2012, 11:52

Matul din il-ġimgħa ntlagħab aktar logħob mill-Kampjonat tal-Football tal-MESA fejn ma kien hemm ebda sorpriża partikolari fir-riżultati miksuba hekk kif it-timijiet ta’ fuq kollha kisbu riżultati pożittivi, għalkemm il-logħba mill-I Diviżjoni bejn CCF u Enemalta rriżultat f’waħda ferm missielta u ndeċiża sa l-aħħar.

Infatti, Enemalta ddominaw l-ewwel taqsima biex daħlu jistrieħu 2-0 minn fuq. Imma fit-tieni taqsima CCF ħarġu b’aktar grinta fil-logħob tagħhom u dawru l-iskor favur tagħhom biex marru saħansitra 5-3 minn fuq. Biss fl-aħħar ħinijiet, fi sforz qawwi, Enemalta rnexxielhom jiskorjaw tliet goals u jirbħu bl-iskor ristrett ta’ 6-5.

Anke l-leaders ta’ l-I Diviżjoni, BOV, kellhom jitħabtu mhux ftit biex warrbu l-isfida denja li offrew Malta Freeport biex rebħulhom 3-2. Wara bidu diżastruż, Malta Freeport wrew sinjali li jistgħu jirkupraw u jinqalgħu mill-aħħar postijiet tal-klassifika. Fil-logħba l-oħra mill-I Diviżjoni, iċ-champions Education issuperaw l-isfida tat-tim tal-Pulizija A biex rebħu 5-2.

Fl-unika logħba mit-II Diviżjoni, Maltapost saħħew posthom fil-quċċata b’rebħa oħra konvinċenti kontra HSBC 6-2. Fit-III Diviżjoni, Government Property telgħu waħedhom fil-quċċata wara draw ta’ 2-2 ma’ Transport Malta, waqt li VAT Dept kisbu t-tieni rebħa minn daqstant logħbiet meta għelbu lil Heritage Malta 3-1.

Ir-riżultati kollha ta’ din il-ġimgħa kienu dawn:

I Diviżjoni

Pulizija A v Education                       2-5

CCF v Enemalta                                   5-6

Malta Freeport v BOV                      2-3

II Diviżjoni

Maltapost v HSBC                              6-2

III Diviżjoni

VAT Dept v Heritage                               3-1

Govt Property v Transport Malta      2-2

Il-Kampjonat issa jkompli l-ġimgħa d-dieħla b’dan il-programm:

It-Tlieta, 31 ta’ Jannar

2.00 p.m. II Div.: Pulizija B v SVPR

3.00 p.m. III Div.: LGA v Civil Protection

L-Erbgħa, 1 ta’ Frar

2.00 p.m. II Div.: MRRA (Riżorsi) v Air Malta

3.00 p.m. II Div.: Universita’ v MRRA (Agrik)

Il-Ħamis, 2 ta’ Frar

2.00 p.m. I Div.: AFM v Enemalta

3.00 p.m. I Div.: Malta Freeport v Central Bank

 

 





Leave a comment