- Sport In Malta - http://www.sportinmalta.com -

Logħba oħra ta’ kwalifikazzjoni Euro 2017 għal referee lokali

Posted By sportinmalta1 On September 9, 2016 @ 10:58 pm In Basketball,Featured | No Comments

Ir-referee internazzjonali lokali tal-basketball Bernard Vassallose jirritorna fl-azzjoni fl-Ewropa wara li rċieva nominazzjoni oħra minn FIBA Europe għal din il-ġimgħa.

Fil-fatt Vassallo se jmur il-Lussemburgu biex, nhar is-Sibt 10 ta’ Settembru, huwa jikkontrolla l-partita minn Grupp Ġ valida għal kwalifikazzjoni għal EuroBasket 2017 maskili li se tintlagħab ġewwa ic-Centre National Sportif bejn Lussemburgu u Maċedonja.

Dawn iz-zewġ pajjiżi, li magħhom hemm ukoll l-Ungerija u r-Renju Unit fl-istess grupp ta’ kwalifikazzjoni, diġa ltaqgħu l-ġimgħa li għaddiet ġewwa l-belt kapitali Maċedona, Skopje, fejn il-Maċedonja kellhom jitħabtu biex joħorġu rebbieħa 89-75.

Bħala uffiċjali għal din il-logħba, Vassallo, li hu r-referee prinċipali, se jkollu miegħu lil Joseph Bissang (Franza) u Zdenko Tomasovic (Slovakkja).


Article printed from Sport In Malta: http://www.sportinmalta.com

URL to article: http://www.sportinmalta.com/loghba-ohra-ta-kwalifikazzjoni-euro-2017-ghal-referee-lokali/

Copyright © 2010 Sport In Malta. All rights reserved.