- Sport In Malta - http://www.sportinmalta.com -

Lig Nazzjonali tal-Karate Solidarjeta’ bl-Isports 2018

Posted By Sportinmalta On April 25, 2018 @ 11:26 am In Featured,Judo/Karate | No Comments

Aktar minn 200 atleta bejn il-ħames u it-tmintax-il sena ħadu sehem fil-Lig Nazzjonali tal-Karate li sar fl-Iskola Nazzjonali tal-Isports, Pembroke nhar is-Sibt 21 u il-Ħadd 22 ta’ April 2018.

Permezz ta’ dan l-avveniment, il-Malta Karate Federation iffurmat parti mill-inizzjattiva Solidarjeta’ bl-Isports fejn donazzjonijiet inġabru u ingħataw lill-Fondazzjoni Malta Community Chest Fund.

“Ir-rispett u l-inklussività jinsabu fil-qalba tal-filosofija tal-Malta Karate Federation fejn nipprattikaw dawn il-valuri permezz tal-isport tagħna.  Huwa wkoll ta’ unur għalina naraw lil Nick Mercieca jikber fl-isport tal-Karate minkejja il-limitazzjonijiet fiżiċi tiegħu.  Id-determinazzjoni tiegħu hija tassew ta’ eżempju.”  Dan kien il-messaġġ  tas-Sur Kenneth Abela, il-President tal-Malta Karate Federation.

L-Eċċellenza tagħha, is-Sinjura Colejro Preca inawgurat dan l-avveniment u indirizzat lill-pubbliku preżenti fiċ-ċerimonja tal-ftuħ.

Is-Sur Abela ikkonkluda billi rringrazzja lill-Maltese Olympic Committee kif ukoll lill-SportMalta għall-appoġġ kontinwu.


Article printed from Sport In Malta: http://www.sportinmalta.com

URL to article: http://www.sportinmalta.com/lig-nazzjonali-tal-karate-solidarjeta-bl-isports-2018/

Copyright © 2010 Sport In Malta. All rights reserved.