- Sport In Malta - http://www.sportinmalta.com -

L-attakkant ta’ Juventus Simone Zaza f’Malta fis-sajf

Posted By Sportinmalta On May 12, 2016 @ 8:55 pm In Featured,Football | No Comments

Gavin Muscat

Wara s-suċċess kbir tal-attività ta’ Fabrizio Ravanelli f’Malta, il-Juventus Club DOC Malta Cuore Bianconero tal-Imrieħel iħabbar opportunità oħra għall-membri tiegħu biex jiltaqgħu ma’ wieħed mill-plejers li jifformaw parti mit-tim preżenti.

Dan hekk kif l-attakkant SIMONE ZAZA se jkun qed iżur Malta fis-sajf li ġej fuq stedina ta’ kumpanija li torganizza events privati, u waqt din iż-żjara saru arranġamenti sabiex Zaza jkollu ħin allokat biex jiltaqa’ mal-membri tal-klabb b’mod esklussiv.

Din l-attività se tkun miftuħa għall-membri DOC għall-istaġun 2016/17 biss. It-tesserament ser jiftaħ minn għada, il-Ħadd 24 ta’ April qabel il-logħba kontra Fiorentina.

Il-programm u d-dati taż-żjara ta’ Simone Zaza jitħabbru aktar ‘il quddiem hekk kif dawn jiddependu minn avvenimenti sportivi oħra peress li għandu ċans tajjeb li jkun wieħed mill-plejers magħżula għall-Italja matul il-Euro 2016.

Din l-attività ser tkun l-ewwel waħda ta’ dan il-ġeneru minn sensiela għall-istaġun 2016/17.

Simone Zaza


Article printed from Sport In Malta: http://www.sportinmalta.com

URL to article: http://www.sportinmalta.com/l-attakkant-ta-juventus-simone-zaza-fmalta-fis-sajf/

Copyright © 2010 Sport In Malta. All rights reserved.