Jesmond Zerafa jinħatar bħala coach ta’ Qormi FC

minn Catherine Micallef.

Il-coach il-ġdid ta' Qormi FC - Jesmond Zerafa

Hekk kif ilbieraħ filgħaxija ħabbarna li l-coach Stephen Azzopardi se jkun il-coach il-ġdid ta’ Floriana FC, dalgħodu dan is-sit għadu kemm kellu konferma li l-coach il-ġdid ta’ Qormi FC se jkun l-ex coach ta’ Valletta FC l-istaġun li għadda – Jesmond Zerafa.

L-istqarrija mibgħuta mill-klabb ta’ Qormi FC tgħid dan li ġej:

“Qormi FC laħqu ftehim mas-Sur Jesmond Zerafa sabiex ikun il-kowċ il-ġdid tat-tim sa tmiem dan l-istaġun.  Is-Sur Zerafa qed jinħatar bhala kowċ ta` Qormi FC assistit min Joe Brincat li ġie ngaġġat ftit tal-ġranet ilu bhala assistant coach. Dan sar wara li s-Sur Stephen Azzopardi ngħaqad mal-Klabb ta’ Floriana F.C. propju lbieraħ.

Jesmond Zerafa mhuwiex isem ġdid ghat-tim ta’ Qormi F.C. għaliex kien il-kowċ meta t-tim kiseb il-promozzjoni mill-ewwel diviżjoni għall-Premier ftit tas-snin ilu.  Huwa baqa` kowc tat-tim fl-ewwel snin tiegħu fil-Premier.

Fl-aħħar snin Jesmond Zerafa rebaħ diversi unuri mat-tim ta’ Valletta.

Nawguraw li Jesmond Zerafa fil-ħidma ġdida tiegħu mal-Klabb taghna. ”

Din l-istqarrija ntbagħtet mill-Viċi Segretarju tal-istess klabb – Pierre Apap fid-9.15am ta’ dalgħodu.