- Sport In Malta - http://www.sportinmalta.com -

It-Timijiet tal-Futbol tal-BOV se jieħdu sehem fil-Kampjonat tal-Futbol tal-Banek

Posted By Sportinmalta On September 20, 2017 @ 5:18 pm In Featured,Football | No Comments

It-timijiet tal-futbol tal-irġiel u tan-nisa tal-Bank of Valletta se jivvjaġġaw lejn Koper/Portorose fis-Slovenja biex jieħdu sehem fir-raba’ edizzjoni tal-Kampjonat tal-Futbol tal-Banek.

Il-kampjonat, li se jsir bejn it-22 u l-24 ta’ Settembru 2017 se jinvolvi aktar minn 60 tim li jirrappreżentaw banek u istituzzjonijiet finanzjarji Ewropej li se jikkompetu għall-aktar titlu prestiġjuż għat-timijiet tal-futbol tal-Banek.

It-tim tal-futbol tal-irġiel tal-Bank kien rebaħ l-ewwel edizzjoni ta’ dan il-kampjonat fl-2014, li kien sar f’Belgrad u ħa sehem fl-edizzjonijiet kollha ta’ dan il-kampjonat, filwaqt li t-tim tal-futbol tan-nisa tal-BOV se jieħu sehem f’dan il-kampjonat għall-ewwel darba.

L-Uffiċjal Kap Eżekuttiv tal-BOV Mario Mallia ltaqa’ maż-żewġ timijiet u mal-Kumitat tat-Taqsima tal-Futbol tal-Bank biex jagħtihom l-awguri tiegħu għal dan il-Kampjonat qabel ma jitilqu lejn is-Slovenja.


Article printed from Sport In Malta: http://www.sportinmalta.com

URL to article: http://www.sportinmalta.com/it-timijiet-tal-futbol-tal-bov-se-jiehdu-sehem-fil-kampjonat-tal-futbol-tal-banek/

Copyright © 2010 Sport In Malta. All rights reserved.