- Sport In Malta - http://www.sportinmalta.com -

Issir f’Malta t-tieni laqgħa tal-European Professional Football Social Dialogue Taskforce

Posted By Sportinmalta On November 30, 2016 @ 8:22 pm In Featured,Football,General | No Comments

Gavin Muscat

Il-laqgħa dwar l-implimentazzjoni tar-rekwiżiti minimi tal-kuntratti tal-plejers professjonali kellha kontinwazzjoni t-Tlieta 29 ta’ Novembru 2016, fil-Grand Hotel Excelsior, il-Floriana u li fiha attenda r-rappreżentant tal-UEFA, Angelo Rigopoulos u l-imsieħba soċjali barranin rappreżentanti tal-ECA (European Clubs Association), tal-FIFAPro, u l-EPFL (European Professional Football League) u kif ukoll amministraturi lokali f’isem il-klabbs u l-MFPA f’isem il- plejers.

Din il-laqgħa, li saret bħala parti mid-Djalogu Soċjali imbuttat  mill-Unjoni Ewropea fis-sena 2012, tmexxiet minn Norman Darmanin Demajo, President tal-Malta Football Association. Għaliha attendew ukoll, Bjorn Vassallo, Segretarju Ġenerali, Dr.Chris Bonett, Kap tad- Dipartiment Legali u Governanza u Dr Angelo Chetcuti li jidħol fil-kariga ta’ Segretarju Ġenerali minn Diċembru.

Darmanin Demajo fetaħ din il-laqgħa u ta aġġornament tal-implentazzjoni li saret wara l-ewwel laqgħa tat-Taskforce li saret f’Malta f’Jannar tas-sena 2015.

L-uffiċjali tal-MFA tennew dwar id-djalogu li seħħ bejn l-imsieħba kollha matul is-sena 2015 u r- riformi, fosthom il-Players Status Reform, li wasslet għal tibdil drastiku fir-regolamentazzjoni. Dan kien rifless fl-introduzzjoni tal-Players’ Standard Contract u fil-kompożizzjoni u l-operat tal- korpi ġudizzjarji nterni fi ħdan l-MFA.

Sussegwentament l-MFA ħolqot kumitat intern biex ikompli jiddiskuti l-progress dwar diversi temi importanti u fil-preżent l-imsieħba soċjali bdew jiddiskutu aktar emendi fejn hemm lok għal tibdil biex in-neċessitajiet tekniċi jkomplu jkunu implimentati għall-iżvilupp tal-logħba tal- futbol f’Malta. Fost it-temi għad-diskussjoni lokalment, li wkoll issemmew fil-laqgħa tat- Taskforce, kien hemm it-Tribunali Indipendenti tal-Arbitraġġ u emendi oħra fil-Players’ Standard Contract.


Article printed from Sport In Malta: http://www.sportinmalta.com

URL to article: http://www.sportinmalta.com/issir-fmalta-t-tieni-laqgha-tal-european-professional-football-social-dialogue-taskforce/

Copyright © 2010 Sport In Malta. All rights reserved.