- Sport In Malta - http://www.sportinmalta.com -

Giorgio Petrosyan jgħallem atleti Maltin f’pajjiżna

Posted By Sportinmalta On May 14, 2018 @ 2:54 pm In Featured,Kickboxing | No Comments

Mal-120 atleta minn diversi klabbs tal-kickboxing f’Malta ngħaqdu taħt saqaf wieħed, fejn kellhom l-opportunità jitgħallmu mingħand iċ-champion dinji attwali tal-K1, Giorgio Petrosyan.

Petrosyan, li kien iddikjarat K1 World Max Champion darbtejn, ġie f’Malta għall-ewwel darba fuq stedina ta’ Master Noel Mercieca.

Waqt is-seminar, li sar is-Sibt 12 ta’ Mejju fil-gym tal-iskola Jeanne Antide f’Ħal Tarxien, Petrosyan wera lill-atleti Maltin tekniki importanti li jintużaw fil-K1 rules u l-Muay Thai, inkluż punches, kicks, footwork, u leg grabs.

Wara li osserva lill-atleti Maltin waqt it-taħriġ, Petrosyan qal li l-livell ta’ diversi atleti Maltin huwa wieħed għoli, u tenna li hija ħasra li f’pajjiżna għad għandhom opportunitajiet limitati.

Jassisti fis-seminar kien hemm ukoll ħu Giorgio Petrosyan, Armen Petrosyan, li huwa wkoll superwelt world champion.

Is-seminar ta’ Petrosyan huwa l-iktar wieħed riċenti organizzat minn Master Noel, li fl-aħħar snin ġab f’Malta diversi champions tal-kickboxing, fosthom Ernesto Hoost, Osman Yigin, Tom Hanrick, Fabio Siciliani, Boo Saspirapa u Didier Le Borgne.

Min jixtieq iktar informazzjoni dwar it-taħriġ offrut mill-klabb Team Noel – Ying Yang jista’ jagħmel kuntatt mal-Master Noel Mercieca fuq 79208283, iżur is-sit elettroniku http://www.kickboxing.com.mt/ jew il-paġna ta’ Facebook Team Noel – Kickboxing Malta.


Article printed from Sport In Malta: http://www.sportinmalta.com

URL to article: http://www.sportinmalta.com/giorgio-petrosyan-jghallem-atleti-maltin-fpajjizna/

Copyright © 2010 Sport In Malta. All rights reserved.