- Sport In Malta - http://www.sportinmalta.com -

Futbol: Pietro Ghedin ikkonfermat kowċ nazzjonali ta’ Malta

Posted By Sportinmalta On February 17, 2016 @ 9:42 pm In Featured,Football | No Comments

Gavin Muscat

Pietro Ghedin, il-kowċ tat-tim nazzjonali Malti, kien ikkonfermat fil-kariga tiegħu għal sentejn oħra. Dan ifisser li s-Sur Ghedin se jmexxi lit-tim nazzjonali Malti għall-partiti minn Grupp F ta’ kwalifikazzjoni għat-Tazza tad-Dinja 2018.

Il-Malta Football Association waslet għal dan il-ftehim ma’ Ghedin wara laqgħa bejn l-istess kowċ nazzjonali u Norman Darmanin Demajo, President tal-Assoċjazzjoni. Darmanin Demajo kien diġa’ kkonsulta mal-Kumitat Eżekuttiv tal-MFA.

Taħt Pietro Ghedin, it-tim nazzjonali Malti, kellu diversi partiti u wirjiet tajbin li bihom kompla kabbar ir-reputazzjoni u r-rispett li kellu fix-xena tal-futbol internazzjonali.

L-MFA tifraħ lil Pietro Ghedin u tawguralu aktar suċċessi fil-futur fil-kariga ta’ kowċ tat-tim nazzjonali Malti.

Ritratti ta’ Domenic Aquilina


Article printed from Sport In Malta: http://www.sportinmalta.com

URL to article: http://www.sportinmalta.com/futbol-pietro-ghedin-ikkonfermat-kowc-nazzjonali-ta-malta/

Copyright © 2010 Sport In Malta. All rights reserved.