Football Awards – Jitħabbru l-finalisti tad-disa’ edizzjoni

Il-Kumitat Organizzattiv tad-Disa’ Edizzjoni tal-Melita Malta Football Awards għadu kemm ħabbar il-finalisti ta’ din l-edizzjoni li se ssir nhar l-Erbgħa 2 ta’ Ġunju 2010 ġewwa l-lukanda Grand Hotel Excelsior fil-Floriana.

L-Award għall-Isbaħ Goal tal-Istaġun se jkun jista’ jivvota għalih il-pubbliku permezz ta’ SMS fuq 50614914. Ma’ dawn il-voti tal-SMS jingħaddu wkoll il-punti li jingħataw lil kull goal waqt il-votazzjoni interattiva li se ssir waqt is-serata mill-mistiedna.

Is-serata se terġa` tixxandar Live fuq Melita Sports kif ukoll fuq il-Promotion Channel ta’ Melita. Sandro Micallef Chairman tal-Kumitat Organizzattiv ikkumenta li jinsab sodisfatt bir-rispons ta’ dawk li kienu ntitolati li jivvutaw għax daħlu lura l-maġġoranza tal-voti qabel id-data tal-għeluq biex jibda l-proċess ta’ eliminazzjoni biex ikunu stabbiliti t-tliet finalisti ta’ kull kategorija. Għall-awards tradizzjonali marbuta mal-Kampjonat BOV Premier kienu mistiedna jivvutaw l-10 Presidenti tal-Premier, l-10 Coaches tal-Premier u l-10 Captains tal-Premier. Magħhom ivvutaw ukoll ’il fuq minn 60 ġurnalist sportiv, producers ta’ programmi sportivi televiżivi, kummentaturi sportivi u photo reporters

Għalkemm dawn l-Awards huma l-iktar iffukati għar-rebbieha tar-rwoli rispettivi fil-kampjonat Premier, il-Kumitat Organizzattiv għal sena oħra bi pjaċir innota l-koperazzjoni tal-Clubs ta’ Diviżjonijiet inferjuri b’mod partikolari it-Tieni Divizjoni, it-Tielet Divizjoni u anke l-Futsal. Dawn ikkonkorrew bi ħġarhom permezz tal-voti tagħhom.

Il-Finalisti tad-Disa’ Edizzjoni huma s-segwenti: