Emirates tisponsorja t-Tazza tad-Dinja tar-Rugby tal-2015 u l-2019

Tuesday, January 28, 2014, 10:40

L-ewwel msieħba li ffirmat għat-tournaments fl-Ingilterra u l-Ġappun Emirates, konnettur globali tan-nies u bliet, u Rugby World Cup Limited (RWCL), ħabbru ftehim ta’  sponsorizazzjoni għat-Tazza tad-Dinja tar-Rugby għas-snin 2015 u l-2019 li ser isiru l-Ingilterra u l-Ġappun respettivament.

Emirates  qed  testendi  l-isponsorship  tagħha  għall-uffiċjali  tal-logħob  tal-Bord  Internazzjonali  tar-Rugby  (International  Rugby  Board) sal-aħħar  tal-2019,  u  li  għall-ewwel  darba  fl-istorja  tat-Tazza tad-Dinja tar-Rugby ser tinkludi d-dritt li jkollha l-emblema tal-Emirates fuq il-flokk tal-uffiċjali tal-logħba waqt it-tournament.

“Il-logħba tar-rugby hi fil-qalba fost in-numru ta’ sponsorships sportivi tagħna. Aħna tajna appoġġ li rugby madwar id-dinja għal iktar minn 20 sena, u ninsabu kuntenti li għinna ngħaqdu mijiet ta’ eluf  ta’ dilettanti tar-rugby minn madwar id-dinja permezz ta’ dawn l-attivitajiet,” qal Tim Clark, President tal-linja tal-ajru Emirates.

“Rugby hu sport internazzjonali li jilħaq udejnzi internazzjonali, fosthom hemm klijenti tal-Emirates.

It-tournament  tal-2011  fin-New  Zealand  kien  irreġistra  xandira  rekord,  u  qed  nistennew  li  ż-żewġ Tazzi  tad-Dinja  tar-Rugby  li  jmiss  ikunu  tal-istess  livell  jekk  mhux  akbar.  Għall-Emirates,  kienet deċiżjoni  naturali li tkun l-ewwel Msieħba  għall-logħob  fl-Ingilterra  u l-Ġappun,  u  bħala l-linja tal-ajru  uffiċjali  tat-tournament  qed  inħarsu  ’l  quddiem  biex  inwasslu  lid-dilettanti  innifshom  għall-avvenimenti,” qal Clark.

Skont il-ftehim, Emirates ser tkun Worldwide Partner  uffiċjali tat-Tazza tad-Dinja tar-Rugby  2015 u  2019,  kif  ukoll  l-linja  tal-ajru  uffiċjali.  Il-logo  familjari  ‘Fly  Emriates’  ser  ikun  fuq  il-flokkijiet

tal-uffiċjali tal-logħba. Filwaqt li l-istess logo  ser ikun inkluż mal-istadjums  kollha  fl-Ingilterra  u l-Ġappun fejn ser isiru l-logħob matul it-tournament ta’ sitt ġimgħat.

It-Tazza  tad-Dinja  tar-Rugby  2015  ser  tibda  nhar  it-18  ta’  Settembru  fl-istadium  Twickenham f’Londra. S’issa 13-il pajjiż ikkawlifikaw għat-tournament filwaqt li l-aħħar seba’ timijiet għad iridu jkun deċiżi fix-xhur li ġejjien.

Minn Malta Emirates topera titjira skedata kuljum lejn Dubaj. Nhar ta’ Tnejn, l-Erbgħa, l-Ħamis u s-Sibt, ir-rotta minn Malta għanda waqfa qasira  f’Larnaka, Ċipru,  filwaqt li nhar ta’ Ħadd, it-Tlieta u l-Ġimgħa, il-linja tal-ajru topera titjiriet diretti minn Dubaj għal Malta bit-titjira lura tagħmel waqfa qasira fi Tripli.

Ritratt: Membri tal-ekwipaġġ tal-Emirates jeżebixxu t-tazza Webb Ellis u l-bnadar tal-pajjiżi opsitanti tal-Ingilterra u l-Ġappun, u tal-pajjiżi l-oħra li kkwalifikaw s’issa għat-Tazza tad-Dinja tar-Rubgy 2015.





Leave a comment