- Sport In Malta - http://www.sportinmalta.com -

Dexter Xuereb jirbaħ l-ewwel unur tas-sena

Posted By Sportinmalta On February 25, 2020 @ 7:42 am In Featured,Football | No Comments

Dexter Xuereb huwa r-rebbieħ tal-unur tal-BOV Plejer tax-Xahar għal Jannar 2020.

Xuereb beda s-sena ma’ Mosta FC fejn huwa skorja l-gowl tar-rebħa għal Mosta fir-rebħa tagħhom ta’ 1-0 kontra Gudja United, dan hekk kif minn cross mil-lemin huwa ssorprenda lill-gowler Jonathan Debono li sab il-ballun fix-xibka tiegħu. Huwa skorja wkoll il-gowl tal-ftuħ fir-rebħa kbira ta’ Mosta bl-iskor ta’ 5-2 kontra Tarxien Rainbows bi free-kick pinġut perfett fis-27 minuta.

Lejn l-aħħar ta’ Jannar, Dexter uffiċjalment sar wieħed mill-‘maroons’ meta ffirma kuntratt ta’ 5 snin ma’ Gżira FC li se jkunu qed jibbenefikaw mill-forma eċċellenti ta’ dan il-plejer ferm versatili.

Anthony Scicluna Chief Officer fi ħdan il-Bank of Valletta ppreżenta t-trofew tal-BOV Plejer tax-Xahar għal Jannar 2020 lil Xuereb. Il-plejer għażel li jagħti d-donazzjoni fi flus assoċjata ma’ dan l-unur lil Puttinu Cares.


Article printed from Sport In Malta: http://www.sportinmalta.com

URL to article: http://www.sportinmalta.com/dexter-xuereb-jirbah-l-ewwel-unur-tas-sena/

Copyright © 2010 Sport In Malta. All rights reserved.