Cottonera Aquatic imwaqqfin minħabba problemi burokratici

Monday, August 2, 2010, 17:28

Senglea Nursery sejħet laqgħa urġenti għall-Konferenza Stampa, fejn attendew tfal, żgħażagħ u ġenituri, li fiha, il-President ta’ Senglea Nursery, Stephen Spiteri, ħabbar li l-proġett li tant ħadmet għalih din in-nursery, rigward it-tim tal-Water polo, il-Cottonera Aquatic, u l-lezzjonijiet tal-għawm li għandhom l-intenzjoni jgħaqqad lit-tfal tal-Kottonera interessati fil-Waterpolo flimkien, għadhom ma bdewx jitħaddnu minħabba problemi burokratiċi li kellha taffaċċja Senglea Nursery u li għadha sal-ġurnata tal-lum taħdem u tirsisti biex tinstab soluzzjoni għal ġid ta’ dawn it-tfal u żgħażagħ.

Wara li Senglea Nursery investiet f’pitch tal-Waterpolo li ġie jiswa ‘il fuq minn €2,000, bdiet taħdem minn Frar li għadda biex ikollha kollox lest għas-Sajf 2010 u kellha l-permessi meħtieġa mingħand l-Għaqda Barklori biex il-pitch isir fil-Ponta tal-Isla, fil-baħar ħdejn il-Grawnd tal-Ponta, il-“Grand Harbour Marina Consortium” oġġezzjonaw għal dan il-pitch. L-oġġezzjoni tagħhom kienet dik, li l-port issa huwa tagħhom u ħadd m’hu eleġibbli jgħum f’dan il-port. Senglea Nursery oġġezzjonat għal din id-deċiżjoni u wara diversi taħdidiet magħhom, dawn identifikaw post faċċata taċ-Ċentru ta’ Senglea Nursery, fejn jista’ jiġi nstallat dan il-pitch. Għal din il-proposta oġġezzjonaw l-Għaqda Barklori, li sostnew li dik il-biċċa baħar hija mikrija lilhom u li dak il-post jintuża minnhom biex jorbtu xi dgħajjes tagħhom.

Il-Kumitat ta’ Senglea Nursery ma qatax qalbu u bagħat applikazzjoni lill-“Ports and Yachting Directorate” biex dan il-pitch jiġi installat fin-naħa tal-Klabb tar-Regatta. Għalkemm dan mhux il-post idejali u li l-kumitat kellu f’moħħu, Senglea Nursery qegħda tispera li din l-applikazzjoni tgħaddi. Sfortunatament, s’issa għad m’ ħemmx risposta.

Stephen Spiteri sostna li Senglea Nursery xorta baqgħet għaddejja bil-preparamenti u tħejji ruħha għall-bidu tat-taħriġ fl-għawm u taħriġ tal-plejers tal-Kottonera Aquatic, għax temmen li proġett bħal dan, li l-għan tiegħu hu li jgħaqqad lit-tfal u żgħażagħ tal-Kottonera fi sport tant popolari fil-gżejjer Maltin, żgur mhux se jiġi mwaqqaf minħabba tilwim fuq drittijiet fuq dan il-baħar.





2 Comments

  1. david says:

    It’s a real real pity clubs have to go through all this just to have an area where they can train. Instead of encouraging these initiatives, you always find people who just don’t care and are selfish. We are talking about a piece of rope here showing the border of a pitch! How much of an obstacle would it be to these people. Same situation with Buga; the more you try the more obstacles you find!

    [Reply]

  2. polo says:

    This is why we never get anywhere in Malta… no1 cares or wants to help anyone else.. such a pity for such a great & ambitious project which Maltese waterpolo may hopefully benefit from in the future!

    Good luck and keep it up!!

    [Reply]

Leave a comment