- Sport In Malta - http://www.sportinmalta.com -

CLAUDIO CASSAR JIRBAĦ L-EWWEL RANKING TOURNAMENT TAL-ISTAĠUN

Posted By Sportinmalta On October 11, 2017 @ 11:17 am In Featured,Pool | No Comments

Aktar minn 100 plejer ħadu sehem fl-ewwel serje ta’ ranking tournaments organizzati mill-Malta Pool Association li saru fil-Każin Banda San Ġorġ Martri li jinsab Ħal Qormi.

Fil-kategorija tal-irġiel kellna finali mill-aktar eċċitanti meta Claudio Cassar għeleb lil Miguel Falzon bl-iskor ta’ 8-7 biex b’ hekk kiseb post fit-tim nazzjonali li ser jirraprezenta lil Malta fil-kampjonati Ewropej li ser issiru f’pajjizna bejn it-18 u 23 ta’ Frar.

Scott Muscat rebaħ l-ewwel unur fil-kategorija taż-żgħażagħ ta’ taħt it-tlieta u għoxrin sena meta fil-finali għeleb lil Ryan Falzon bl-iskor ta’ 8-6.

Il-veteran Christ Mills kiseb ir-rebħ tal-kategorija Over 50’s b’rebħa konvinċenti ta’ 8-3 fuq Alfred Attard filwaqt li ż-żagħżugħ Elcid Aquilina rebaħ il-kategorija taż-żgħażagħ ta’ taħt it-tmintax–il sena.


Article printed from Sport In Malta: http://www.sportinmalta.com

URL to article: http://www.sportinmalta.com/claudio-cassar-jirbah-l-ewwel-ranking-tournament-tal-istagun/

Copyright © 2010 Sport In Malta. All rights reserved.