- Sport In Malta - http://www.sportinmalta.com -

Chris Agius jawgura lill-kontinġent rebbieħi Malti taż-żwiemel

Posted By Sportinmalta On August 25, 2016 @ 11:42 am In Featured,General,Horse Racing,Other | No Comments

Is-Segretarju Parlamentari għar-Riċerka, Innovazzjoni, Żgħażagħ u Sport Chris Agius jawgura lit-team Malti li rebaħ il-Kampjonat tal-Mediterran tat-tiġrijiet taż-żwiemel. Il-ġerrejja li ffurmaw it-team Malti kienu Julian Farrugia, Rodney Gatt, Charles Camilleri u Tony Demanuele. Il-kampjonat tal-Mediterran kien mifrux fuq diversi tapep li saru Malta, l-Italja u Franza (ġiet ikkanċellata minħabba l-attakk terroristiku ta’ Cagnes-sur-Mer) u r-Russja. Din kienet it-tieni darba li team Malti rebaħ dan il-kampjonat.

Sa mill-bidu ta’ din il-leġiżlatura, il-Gvern, permezz tas-Segretarjat Parlamentari għar-Riċerka, Innovazzjoni, Żgħażagħ u Sport, emmen f’dan l-isport u ra l-bżonn li t-trakka taż-żwiemel tkun privatizzata sabiex tiġi trasformata fi trakka ta’ livell internazzjonali u li tkun tista’ tilqa’ aktar tiġrijiet ta’ prestiġju. Dan jgħin lit-turiżmu sportiv u jservi ta’ esperjenza għall-ġerrejja Maltin. SportMalta temmen ukoll li dan l-isport ikollu bażi tajba, għalhekk ħolqot l-akkademja tal-ġerrejja taż-żwiemel li għandha l-għan li tintroduċi l-ħiliet bażiċi ta’ dan l-isport fost it-tfal u ż-żgħażagħ.

Ritratti: MEDE_PS


Article printed from Sport In Malta: http://www.sportinmalta.com

URL to article: http://www.sportinmalta.com/chris-agius-jawgura-lill-kontingent-rebbiehi-malti-taz-zwiemel/

Copyright © 2010 Sport In Malta. All rights reserved.