- Sport In Malta - http://www.sportinmalta.com -

Aktar żjarat fl-iskejjel mill-kontinġent tat-tim nazzjonali Malti

Posted By Sportinmalta On May 5, 2014 @ 8:00 am In Featured,Football | No Comments

L-ewwel żjara saret fl-iskola Primarja tal-Imġarr fejn il-kontinġent intlaqa’ mis-Sinjura Antonella Ferrante, il-Kap tal-Iskola, li tat merħba kbira lil kulħadd. Il-plejers nazzjonali kellhom iċ-ċans li jitkellmu ma’ studenti li dak il-ħin kienu għaddejjin bil-lezzjoni fiżika tagħhom. Saret ukoll sessjoni ta’ taħriġ ta’ ħbiberija wkoll bejn l-istudenti u l-plejers nazzjonali.

 

F’din l-iskola attendew ukoll is-Sur Joe Gauci u s-Sur Selim Belig, li kienu l-ġudikanti tal-proġett li ħadmu fuqu l-istudenti f’din l-iskola. It-tema ta’ dan il-proġett kien ‘Respect in Sport’.

 

Immedjatament wara, il-kontinġent baqa’ sejjer fl-iskola Primarja tar-Rabat fejn hemmhekk ukoll ingħata merħba sabiħa mis-Sur Portanier Mifsud.

 

Il-plejers nazzjonali kellhom merħba mill-isbaħ mill-istudenti tal-iskola meta ħarġu fil-bitħa u sabuhom jistennew fil-ħin tal-break tagħhom.

 

Gauci u Belig, iż-żewġ ġudikanti, sabu wkoll il-ħin biex jaraw il-proġett mill-isbaħ li ħadmu fuqu t-tfal ta’ din l-iskola bit-tema, ‘Fair Play’.  


Article printed from Sport In Malta: http://www.sportinmalta.com

URL to article: http://www.sportinmalta.com/aktar-zjarat-fl-iskejjel-mill-kontingent-tat-tim-nazzjonali-malti/

Copyright © 2010 Sport In Malta. All rights reserved.